عالمی بینک نے سندھ کے لیے 30 کروڑ ڈالر کی فنانسنگ منظور کر لی ہے۔
اس رقم سے سندھ کے دیہی علاقوں کے تقریباً 15 لاکھ لوگوں کو صاف پانی، صفائی اور حفظان صحت کی سہولتیں ملیں گی۔ یہ فنڈنگ اسٹار واش ون منصوبے کے لیے دی جائے گی۔
عالمی بینک کے مطابق پاکستان میں بچوں کے قد نہ بڑھنے کی ایک بڑی وجہ غیر محفوظ پانی اور ناقص صفائی ہے۔ اس منصوبے سے دیہی سندھ میں اسٹنٹنگ کی بنیادی وجہ کو ختم کرنے میں مدد ملے گی۔
عالمی بینک کے کنٹری ڈائریکٹر نے سندھ کے دیہی علاقوں میں پانی کی فراہمی کے منصوبے میں تعاون جاری رکھنے کا بھی اعلان کیا ہے۔
