اے آئی کی دنیا میں اب صرف ٹیکنالوجی کی دوڑ نہیں رہی، سیکیورٹی کا مسئلہ بھی سب سے بڑا چیلنج بن گیا ہے۔
بڑی اے آئی کمپنیاں اب جاسوسی کے خدشات سے نمٹنے کے لیے سابق انٹیلی جنس افسران کو اپنی ٹیم میں شامل کر رہی ہیں۔ گزشتہ چند سالوں میں اس طرح کی نوکریوں کے اشتہارات میں واضح اضافہ دیکھا گیا ہے۔
اوپن اے آئی، اینتھروپک اور این ویڈیا جیسی کمپنیوں میں اب انسداد جاسوسی کے ماہرین کی مانگ بڑھ گئی ہے، اور ان ماہرین کی تنخواہیں بھی 2 لاکھ سے 5 لاکھ ڈالر سالانہ تک پہنچ گئی ہیں۔
این ویڈیا کے سابق سربراہ جینسن ہوانگ کے معاملے نے اس مسئلے کو اور زیادہ نمایاں کر دیا ہے۔ ان کے استعفے کے بعد اب انکشاف ہوا ہے کہ کمبرلی پاول کے علاوہ ایک اور خاتون ملازمہ کے ساتھ بھی ان کے قریبی تعلقات تھے، تاہم اس دوسری خاتون کی شناخت ابھی سامنے نہیں آئی۔
اس سے پہلے بھی ان کا نام ایک چینی کاروباری خاتون ایلس ہوانگ کے ساتھ جوڑا گیا تھا، جن کے بارے میں امریکی حکام کو شبہ ہے کہ وہ مبینہ طور پر چین کے لیے کام کر رہی تھیں۔
یہی وجہ ہے کہ اے آئی کمپنیاں اب اپنی اندرونی سیکیورٹی کو پہلے سے کہیں زیادہ سنجیدگی سے لے رہی ہیں۔
