کندھ کوٹ(نیوزڈیسک)وزیراعلیٰ سندھ مراد علی شاہ نے کہا ہے کہ ہمیں سمجھ نہیں آرہا ڈاکوؤں کے پاس ملٹری طرز کا اسلحہ کیسے پہنچ رہا ہے۔
کندھ کوٹ میں میڈیا سے گفتگو کرتے ہوئے مراد علی شاہ نے کہا کہ کشمور، گھوٹکی، جیکب آباد اور سکھر میں بے امنی کا سبب قبائلی تنازعات ہیں، حالات نگراں حکومت میں پہلے سے زیادہ خراب ہوئے۔
مراد علی شاہ نے کہا کہ پولیس، رینجرز اور فوج کی مدد سے جلد یہاں امن قائم کریں گے، پچھلی حکومت میں وفاقی حکومت کو ملٹری طرز کے اسلحہ کی درخواست کی تھی۔
انہوں نے کہا کہ اب بھی ملٹری طرز کے اسلحہ کے لیے درخواست کریں گے، وفاقی وزیر داخلہ سے بھی ملٹری طرز کے اسلحہ کے لیے کہا ہے۔
وزیراعلیٰ سندھ کا مزید کہنا تھا کہ قبائلی تنازعات کو ختم کرنے کے لیے مقامی سرداروں سے بھی مدد لی جائے گی۔
