اسلام آباد، 26 فروری 2026: آئل اینڈ گیس ڈیولپمنٹ کمپنی لمیٹڈ (او جی ڈی سی) نے 30 اپریل 2025 کو منعقدہ بڈنگ راؤنڈ میں حاصل کیے گئے پانچ نئے ایکسپلوریشن بلاکس کے لیے پیٹرولیم کنسیشن ایگریمنٹس پر دستخط کر دیے۔ ان بلاکس کی دستخطی تقریب وزارت توانائی (پیٹرولیم ڈویژن)، اسلام آباد میں منعقد ہوئی۔ مسابقتی بڈنگ کے بعد ان بلاکس کے عبوری ایوارڈز کا اعلان پہلے ہی کیا جا چکا تھا۔
جیل میں ملاقات کرنی ہے تو آن لائن بکنگ کریں
تفصیلات کے مطابق او جی ڈی سی تین بلاکس میں بطور آپریٹر فرائض انجام دے گی جبکہ دو بلاکس میں نان آپریٹنگ جوائنٹ وینچر پارٹنر کے طور پر شریک ہوگی:
– **بلوچستان (نوشکی، مستونگ، خاران، قلات) – قلات نارتھ بلاک:** او جی ڈی سی 75 فیصد ورکنگ انٹرسٹ کے ساتھ آپریٹر ہوگی، جبکہ پرائم 25 فیصد حصے کے ساتھ شراکت دار ہوگی۔
– **پنجاب (بھکر، خوشاب) – خوئی-ٹو بلاک:** او جی ڈی سی 60 فیصد ورکنگ انٹرسٹ کے ساتھ آپریٹر ہوگی، جبکہ ماڑی انرجیز لمیٹڈ کے پاس باقی 40 فیصد حصہ ہوگا۔
– **سندھ (جامشورو) – نائنگ شریف بلاک:** او جی ڈی سی 80 فیصد ورکنگ انٹرسٹ کے ساتھ آپریٹر ہوگی جبکہ پرائم 20 فیصد حصے کے ساتھ شریک ہوگی۔
– **بلوچستان (نوشکی) – احمد وال بلاک:** او جی ڈی سی 40 فیصد ورکنگ انٹرسٹ کے ساتھ نان آپریٹر ہوگی، جبکہ ماڑی انرجیز لمیٹڈ 60 فیصد حصے کے ساتھ آپریٹر ہوگی۔
– **بلوچستان (قلات، خضدار، جھل مگسی) – قلات ساؤتھ بلاک:** او جی ڈی سی 30 فیصد حصے کے ساتھ نان آپریٹر ہوگی، جبکہ پاکستان پیٹرولیم لمیٹڈ 40 فیصد حصے کے ساتھ آپریٹر ہوگی اور باقی 30 فیصد حصہ ماڑی انرجیز لمیٹڈ کے پاس ہوگا۔
یہ نئے بلاکس او جی ڈی سی کے ہائیڈروکاربن کی تلاش میں تیزی لانے، ملکی توانائی کے تحفظ کو فروغ دینے اور ملک کے سرحدی و کم دریافت شدہ علاقوں میں پائیدار ترقی میں کردار ادا کرنے کے عزم کی عکاسی کرتے ہیں۔
جاری کردہ: ذیشان زیدی، منیجر ایکسٹرنل کمیونیکیشنز او جی ڈی سی ایل
