ایک امریکی پائلٹ اسٹڈی سے معلوم ہوا ہے کہ مختصر دورانیے کے لیے سجدہ کرنا دماغی سرگرمیوں پر اثر ڈال سکتا ہے۔
یہ تحقیق پی ایم سی (PubMed Central) میں شائع ہوئی، جس میں انسانی دماغ کے سگنلز کو مختلف فریکوئنسی بینڈز اور سائنسی پیمانوں کے ذریعے جانچا گیا۔
حکومت نے 5 ماہ میں کتنے ارب ڈالر کا بیرونی قرضہ لیا، تفصیلات سامنے آ گئیں
اس مطالعے میں تین خواتین اور دو مرد رضاکاروں نے حصہ لیا۔ تجربے کے دوران ان کے دماغی سگنلز کو آنکھیں کھلی اور بند دونوں حالتوں میں ریکارڈ کیا گیا۔ شرکاء کے انتخاب میں یہ معیار شامل تھے کہ وہ کسی نفسیاتی بیماری یا سر و ریڑھ کی ہڈی کے کسی آپریشن یا چوٹ سے متاثر نہ ہوں، نیورو سائیکولوجیکل ادویات استعمال نہ کریں، اور نماز باقاعدگی سے ادا کرتے ہوں۔
نتائج کے مطابق خواتین میں سجدے کے دوران بعض دماغی لہروں میں کمی دیکھی گئی، جس سے ظاہر ہوتا ہے کہ اس وقت دماغ نسبتاً سکون کی حالت میں ہوتا ہے یا مختلف طرزِ عمل اختیار کرتا ہے، جبکہ مرد شرکاء میں دماغی سرگرمیوں میں اضافہ نوٹ کیا گیا۔
تحقیق کے مصنفین کے مطابق یہ ابتدائی مطالعہ دماغی اثرات کی اہمیت کو اجاگر کرتا ہے، تاہم مزید تفصیلی اور وسیع تحقیقات کی ضرورت ہے۔ سائنسدانوں کا کہنا ہے کہ صرف 10 سیکنڈ کے سجدے سے دماغی سرگرمی میں تبدیلی آ سکتی ہے اور یہ اثر مردوں اور خواتین میں مختلف ہو سکتا ہے، جو نماز کے جسمانی اور ذہنی فوائد کو سمجھنے میں اہم ہے۔
