چیئرمین عارف حبیب گروپ عارف حبیب نے کہا ہے کہ کنسورشیم کی خواہش تھی کہ پی آئی اے کے 100 فیصد حصص خریدے جائیں، اور فوجی فرٹیلائزر کنسورشیم میں شامل ہو سکتی ہے۔
وزیراعلیٰ پنجاب کا احسن اقدام، کرسمس کے موقع پر ملازمین کو بونس دینے کا اعلان
نجی ٹی وی سے گفتگو کرتے ہوئے انہوں نے بتایا کہ پی آئی اے ہمارا قومی ادارہ ہے اور اس نے ماضی میں بہترین دن دیکھے ہیں۔ انہوں نے کہا کہ یہ ایک اعلیٰ معیار کی ایئر لائن ہے، تمام ملازمین اہل ہیں اور کام بخوبی جانتے ہیں۔
عارف حبیب نے کہا کہ پی آئی اے کی نجکاری شفاف طریقے سے مکمل ہوئی ہے اور قومی ائیر لائن میں نئی سرمایہ کاری سے صارفین کو بہتر سروس فراہم ہوگی۔ شفاف نجکاری سے بیرونی سرمایہ کاروں کا اعتماد بڑھے گا، سرمایہ کاری کے نئے مواقع پیدا ہوں گے اور روزگار کے مواقع بڑھیں گے۔ انہوں نے کہا کہ پی آئی اے کو دوبارہ عظیم بنانے کے لیے بھرپور محنت کریں گے۔
