لاہور ہائی کورٹ راولپنڈی بینچ میں 26 نومبر کے احتجاج پر درج مقدمے میں علیمہ خانم پر فردِ جرم عائد کرنے کے خلاف اپیل دائر کر دی گئی ہے۔
اپیل علیمہ خانم نے اپنے وکیل فیصل ملک کے ذریعے دائر کی، اور سماعت جسٹس صداقت علی خان اور جسٹس سلطان محمود پر مشتمل ڈویژن بینچ میں ہوئی۔ رجسٹر آفس نے اعتراض کیا کہ درخواست کے ساتھ تصدیق شدہ ایف آئی آر کی کاپی موجود نہیں ہے۔
سیمنٹ کی ریٹیل قیمت میں اضافہ ریکارڈ
عدالت نے علیمہ خانم کے وکیل کو ہدایت کی کہ پہلے تمام دستاویزات مکمل کی جائیں۔ درخواست میں استدعا کی گئی ہے کہ علیمہ خانم کی غیر موجودگی میں ان پر فردِ جرم عائد کی گئی، جو قانونی طور پر درست نہیں، اور ٹرائل کورٹ کو ہدایت دی جائے کہ فردِ جرم کا عمل قانون کے مطابق دوبارہ مکمل کیا جائے اور درخواست گزار کو قانونی طور پر سنا جائے۔
عدالت نے وکیل صفائی کو رجسٹرار آفس کے اعتراضات دور کرنے کی ہدایت دی اور کہا کہ اعتراضات دور ہونے کے بعد درخواست کو سماعت کے لیے مقرر کیا جائے گا۔
