پاکستان کے زرمبادلہ کے ذخائر تاریخ کی بلند ترین سطح پر پہنچ گئے ہیں جبکہ بین الاقوامی اداروں کی جانب سے بھی پاکستانی معیشت میں بہتری کا اعتراف کیا جا رہا ہے۔
انٹرنیشنل ریٹنگ ایجنسیوں گیلپ اور ڈی اینڈ بی نے پاکستان کی معاشی صورتحال میں بہتری کی تصدیق کرتے ہوئے صارفین کے اعتماد میں 19 فیصد اضافے کی نشاندہی کی ہے۔
پیٹرولیم مصنوعات کی درآمدات میں 2 فیصد کمی ریکارڈ
رپورٹ کے مطابق مارچ 2022 کے بعد پاکستان کے زرمبادلہ کے ذخائر بڑھ کر 21.1 بلین ڈالر تک پہنچ گئے ہیں جو حالیہ برسوں کی بلند ترین سطح ہے۔
بتایا جا رہا ہے کہ یہ بہتری اسپیشل انویسٹمنٹ فسیلیٹیشن کونسل کی مؤثر سہولت کاری، معاونت اور اقدامات کا نتیجہ ہے، جس کے باعث مالی عدم تحفظ میں کمی آئی اور معاشی اصلاحات کے عمل کو تقویت ملی۔
معاشی اصلاحات کے باعث سرمایہ کاروں کا اعتماد پہلے کے مقابلے میں نمایاں طور پر بڑھا ہے اور معیشت میں استحکام کے آثار واضح ہو رہے ہیں۔
ماہر معیشت خاقان نجیب کے مطابق پاکستان نے گزشتہ 28 سے 30 ماہ کے دوران میکرواکنامک استحکام کا سفر طے کیا ہے، درآمدات کے دباؤ کو کنٹرول کیا گیا اور کرنٹ اکاؤنٹ میں سرپلس حاصل کیا گیا ہے۔
ماہر معیشت اشفاق تولہ کا کہنا ہے کہ صارفین کے اعتماد میں اضافہ حکومت اور ایس آئی ایف سی کے ٹھوس اور مسلسل اقدامات کا براہ راست نتیجہ ہے، جس سے معیشت کے مستقبل کے حوالے سے مثبت توقعات پیدا ہوئی ہیں۔
