بم ڈسپوزل یونٹ (بی ڈی یو) نے فیڈرل کانسٹیبلری (ایف سی) ہیڈکوارٹرز پر حملے سے متعلق اپنی رپورٹ تیار کر لی ہے۔
بم ڈسپوزل یونٹ کی رپورٹ کے مطابق خودکش حملہ آوروں نے حملے میں بیس کلوگرام بارودی مواد استعمال کیا۔ خودکش جیکٹس میں بارودی مواد آگے اور پیچھے دو حصوں میں تقسیم کیا گیا تھا۔
دنیا کی بہترین ائیر لائنز کی فہرست جاری، پہلا نمبر کس کا رہا؟
رپورٹ کے مطابق خودکش جیکٹس کے ٹکڑوں سے واضح ہے کہ تیس میٹر تک نقصان ممکن تھا۔ رپورٹ میں تصدیق کی گئی ہے کہ دھماکے خودکش تھے اور ریموٹ کنٹرول کا کوئی سراغ نہیں ملا۔
بی ڈی یو رپورٹ کے مطابق جائے وقوعہ سے شواہد اکٹھے کیے گئے ہیں۔ دھماکے کی جگہ سے آٹھ دستی بم بھی ملے ہیں، جن کے علاوہ دو ملی میٹر سائز کے بال بیرنگ اور دو فٹ پرائما کارڈ بھی برآمد ہوا ہے۔
رپورٹ میں بتایا گیا ہے کہ حملہ منظم منصوبہ بندی کے تحت کیا گیا تھا اور بروقت جوابی کارروائی کے باعث بڑا نقصان ٹل گیا۔
بم ڈسپوزل یونٹ کی رپورٹ میں کہا گیا ہے کہ فیڈرل کانسٹیبلری ہیڈکواٹرز پر چوبیس نومبر کو ہونے والے حملے میں ایف سی کے تین جوان شہید اور پانچ زخمی ہوئے، جبکہ دہشتگردوں کے حملے میں آٹھ شہری بھی زخمی ہوئے۔
