کراچی: سندھ ہائیکورٹ نے کراچی میٹروپولیٹن کارپوریشن کو کنٹونمنٹ علاقوں سے ایم یو سی ٹی وصولی سے روک دیا۔
سندھ ہائیکورٹ میں کنٹونمنٹ بورڈ ملیر کے رہائشیوں سے بجلی کے بل میں میونسپل ٹیکس وصولی کے معاملے کی سماعت ہوئی۔
صوبے بنانے کے قانون میں بھی آئینی ترمیم ہوسکتی ہے، مصطفیٰ کمال
سماعت کے دوران وکیلِ درخواست گزار نے کہا کہ ملیر کنٹونمنٹ بورڈ پہلے ہی کنزرونسی ٹیکس وصول کر رہا ہے، کے ایم سی نے بجلی کے بل میں میونسپل چارجز بھی شامل کر دیے ہیں۔
درخواست گزار کے وکیل عثمان ایڈووکیٹ کا کہنا تھا کہ بیک وقت دو ادارے میونسپل ٹیکس وصول کر رہے ہیں۔
عدالت نے کے الیکٹرک کو کنٹونمنٹ علاقوں سے بجلی کے بل کے ذریعے ایم یو سی ٹی وصولی روکنے کا حکم دیا اور میونسپل ٹیکس کی وصولی کو کنٹونمنٹ بورڈز کا اختیار قرار دیا۔
