پنجاب حکومت نے 9 مئی کے 11 مقدمات کے ٹرائل سے متعلق نیا نوٹیفکیشن جاری کر دیا ہے۔ وزارتِ داخلہ پنجاب کے اعلامیے کے مطابق یہ تمام مقدمات اب انسدادِ دہشت گردی عدالت میں چلائے جائیں گے، جبکہ بانی پی ٹی آئی کو ویڈیو لنک کے ذریعے پیش کیا جائے گا۔
عمرہ زائرین کیلئے نئی شرط، سعودی حکومت نے پالیسی میں بڑی تبدیلی کر دی
اعلامیے میں بتایا گیا ہے کہ 9 مئی کے مقدمات کی سماعت کے لیے اے ٹی سی عدالت کو مقرر کیا گیا ہے اور ویڈیو لنک کے ذریعے پیشی اور سکیورٹی سے متعلق ضروری ہدایات بھی جاری کر دی گئی ہیں۔
واضح رہے کہ جی ایچ کیو حملہ کیس کی سماعت 5 نومبر کو انسدادِ دہشت گردی کی خصوصی عدالت میں ہوگی، جس میں بانی پی ٹی آئی کو اڈیالہ جیل سے ویڈیو لنک کے ذریعے پیش کیا جائے گا۔ یہ مقدمہ خصوصی عدالت کے جج امجد علی شاہ کی عدالت میں سنا جائے گا۔
