عمران خان کی ضمانت کی درخواستوں پر اہم پیش رفت

اسلام آباد میں بانی چیئرمین پی ٹی آئی عمران خان کے خلاف 26 نومبر کے احتجاج سے متعلق چھ مقدمات کی سماعت ہوئی، جس میں عدالت نے آئندہ سماعت پر تمام مقدمات کا مکمل ریکارڈ طلب کر لیا۔

سارا نظام ایک لمحے میں ڈی ریل ہوسکتاہے، حسن مرتضیٰ

انسدادِ دہشت گردی کی خصوصی عدالت کے جج امجد علی شاہ نے مقدمات کی سماعت کی اور عمران خان کی ضمانت کی درخواستوں پر کارروائی 6 نومبر تک ملتوی کر دی۔ آج کی سماعت کے دوران بھی وکلا کی جانب سے دلائل مکمل نہیں ہو سکے۔

ان مقدمات میں تھانہ نصیر آباد کے کانسٹیبل کے قتل کا مقدمہ بھی شامل ہے۔ عدالت نے ہدایت دی ہے کہ آئندہ سماعت پر تمام چھ مقدمات کا ریکارڈ پیش کیا جائے۔ ذرائع کے مطابق ان ہی مقدمات میں بشریٰ بی بی سمیت دیگر تمام ملزمان کی ضمانتیں پہلے ہی منظور ہو چکی ہیں۔