نئی دہلی(نیوزڈیسک)مکیش امبانی سے بھارت کے امیر ترین شخص کا تاج چھن گیاہے ۔ان کی دولت میں 25 فیصد کمی ہوگئی ہے۔
بھارت میڈی کی رپورٹ کے مطابق معروف صنعت کار اور ریلائنس انڈسٹریز کے مالک مکیش امبانی کی دولت میں گزشتہ 8 ماہ کے دوران 25 فیصد کمی ہوئی۔ جس کے بعد اُن کے اثاثوں کی مالیت 10.14 لاکھ کروڑ بھارتی روپے تک پہنچ گئی۔
اڈانی کی دولت میں جہاں 25 فیصد کمی ہوئی ہے ،وہیں بھارت کے مقامی صنعت کار اور اڈانی گروپ کے سربراہ گوتم اڈانی کے اثاثوں میں 95 فیصد اضافہ ریکارڈ کیا گیا ہے،اور اس طرح وہ اب بھارت کت سب سے امیر ترین شخص بن چکے ہیں۔
بھارت کے معروف تحقیقی اور سرمایہ کاری گروپ کی جانب سے جاری ہونے والی معلومات کے مطابق اڈانی کے اثاثوں کی مالیت اب 11.16 لاکھ کروڑ روپے تک پہنچ گئی ہے جس کے بعد وہ بھارت کے امیر ترین شخص بن گئے۔
بھارت کے تحقیقی و سرمایہ کاری گروپ ہوُروُن کی جاری کی گئی کے مطابق فہرست میں گوتم اڈانی پہلے اور مکیش امبانی دوسرے نمبر پر اور جبکہ تیسرے نمبر پر موجود ایچ سی ایل ٹیکنالوجیز کے مالک شیو نادر کی دولت ایک فیصد اضافے کے بعد 3.14 لاکھ کروڑبھارتی روپے ہوگئی ہےاس کے ساتھ ہی سیرم انسٹی ٹیوٹ آف انڈیا کے مالک سائرس ایس پونا والا فہرست میں چوتھے نمبر پر ہیں۔
