پالتو گولڈ فش نے کار چلا کر ریکارڈ بنا دیا

ڈچ انجینئر کی گولڈ فِش سے چلنے والی گاڑی نے نیا عالمی ریکارڈ قائم کر دیا

ڈچ انجینئر ٹھامس ڈی وولف نے اپنی پالتو گولڈ فِش بلَب کے لیے ایک منفرد چار پہیوں والی گاڑی تیار کی، جس نے صرف ایک منٹ میں 40 فٹ 3.46 انچ کا فاصلہ طے کر کے نیا گینیز ورلڈ ریکارڈ قائم کر دیا۔

پاکستان ایشیائی ترقیاتی بینک سے 140 ارب روپے کا نیا قرض لے گا

گاڑی میں ڈرائیور کی نشست کی جگہ پانی سے بھرا ایک ٹینک نصب تھا، جس میں لگے سینسر گولڈ فِش کی حرکت پڑھ کر اسٹیئرنگ کو کنٹرول کرتے تھے اور گاڑی کی سمت بدلتے تھے۔

ٹھامس ڈی وولف نے بتایا کہ وہ چاہتے تھے کچھ ایسا بنایا جائے جو لوگوں کو محظوظ کرے اور سنجیدہ کام میں بھی مزاح کا رنگ ڈالے۔ انہوں نے کہا کہ اگرچہ یہ گاڑی عملی زندگی میں زیادہ کارآمد نہیں، لیکن موشن سینسنگ ٹیکنالوجی معذور افراد کے لیے مستقبل میں مفید ثابت ہو سکتی ہے۔

ان کا کہنا تھا کہ وہ چاہتے ہیں کہ اسی ٹیکنالوجی کی مدد سے نقل و حرکت میں مشکلات رکھنے والے افراد کی مدد کی جا سکے۔ اس منفرد اقدام سے نہ صرف تفریح کے مواقع پیدا ہوئے بلکہ ٹیکنالوجی کی ممکنہ صلاحیت بھی اجاگر ہوئی۔