وزیر مملکت برائے اوورسیز پاکستانی عون چودھری نے حالیہ دورۂ متحدہ عرب امارات کے دوران اوورسیز پاکستانیز فاؤنڈیشن کے وفد کے ہمراہ پاکستانی سفارتخانے کا دورہ کیا۔
اس موقع پر وزیر مملکت نے پاکستانی سفیر شفقت علی خان سے ملاقات کی، جس میں متحدہ عرب امارات میں مقیم پاکستانیوں کو درپیش مسائل اور ان کے ممکنہ حل پر تفصیلی تبادلہ خیال کیا گیا۔
چیف جسٹس کی زیرصدارت عدالتی پالیسی سازکمیٹی کااجلاس،جبری گمشدگی، کمرشل مقدمات پر مؤثرردعمل کا فیصلہ
عون چودھری نے کہا کہ یو اے ای پاکستان کا ایک معتبر اور برادر ملک ہے اور دونوں ممالک کے درمیان تعلقات مضبوط اور دوستانہ نوعیت کے ہیں۔
انہوں نے پاکستانی کمیونٹی کی فلاح و بہبود اور ان کے مسائل کے فوری حل کے لیے سفارتی اور قانونی اقدامات کو مزید فعال بنانے پر زور دیا۔
وزیر مملکت نے مقیم پاکستانیوں کو یقین دہانی کرائی کہ حکومت پاکستان ان کے حقوق کے تحفظ اور سہولتوں کے فروغ کے لیے بھرپور کوششیں کر رہی ہے اور دونوں ممالک کے درمیان تعلقات کو مزید مستحکم بنانے کے لیے ہر ممکن اقدامات جاری رہیں گے۔
