کراچی: سابق وائٹ ہاؤس چیف آف اسٹاف راہم ایمینوئل نے انکشاف کیا ہے کہ اسرائیلی وزیراعظم نیتن یاہو نے بل کلنٹن، باراک اوباما، جارج بش اور جو بائیڈن سمیت ہر امریکی صدر سے ایران کے خلاف بڑی فوجی کارروائی کی درخواست کی تھی۔
وزیراعظم کا پیٹرول کی قیمت فی الفور 80 روپے کم کر کے 378 روپے فی لیٹر کرنے کا اعلان
راہم ایمینوئل کے مطابق ہر امریکی صدر نے اسرائیلی وزیراعظم کی درخواست پر ایران کے خلاف جنگ کے ممکنہ خطرات کا جائزہ لیا اور فیصلہ کیا کہ یہ اقدام امریکی قومی مفاد میں نہیں ہے۔ تمام صدور نے صورتحال کا تفصیلی جائزہ لینے کے بعد درخواست کو مسترد کر دیا، لہٰذا اسرائیل کو ذمہ دار ٹھہرانا امریکی صدر کی آئینی ذمہ داری سے متصادم ہے۔
انہوں نے کہا کہ امریکہ کا نظام ایسا ہے کہ صدر منتخب ہوتا ہے، بائبل پر ہاتھ رکھ کر حلف اٹھاتا ہے اور کمانڈر ان چیف بنتا ہے، اور فوجیوں کی جانوں کے حوالے سے حتمی فیصلہ اسی کے اختیار میں ہوتا ہے۔ راہم ایمینوئل نے ایک ذاتی پہلو بھی بیان کرتے ہوئے کہا کہ اب دو بچوں کے والد، جن کے سات ماہ کے جڑواں بچے ہیں، کبھی اپنے والد کو نہیں دیکھیں گے، اور ان کے گھر میں ایک کرسی ہمیشہ خالی رہے گی۔
راہم ایمینوئل نے مزید واضح کیا کہ یہ فیصلہ صدر کا ہے اور کسی اور کو مورد الزام ٹھہرانا بے معنی ہے۔
