پنجاب حکومت نے صوبے کے تمام تعلیمی بورڈز کے امتحانی نظام کو جدید ٹیکنالوجی پر منتقل کرنے کا اعلان کیا ہے۔ چیئرمین ٹاسک فورس برائے امتحانات مزمل محمود کے مطابق تمام بورڈز میں ای مارکنگ کا نظام متعارف کرایا جائے گا تاکہ شفافیت اور میرٹ کو یقینی بنایا جا سکے۔
اراکینِ پارلیمنٹ کو معطلی کا خطرہ،کون کون ؟؟؟ الیکشن کمیشن نے خبردار کردیا
اس منصوبے کا پائلٹ مرحلہ 2026 میں میٹرک اور انٹرمیڈیٹ کے کمپیوٹر امتحانات سے شروع کیا جائے گا۔ تمام امتحانی مراکز میں ڈیجیٹل حاضری کا نظام نصب کیا جائے گا جس میں طلبا کی حاضری بائیو میٹرک کے ذریعے لی جائے گی۔ یہ تمام ڈیجیٹل اصلاحات آئندہ تین سال میں مرحلہ وار مکمل کی جائیں گی۔
اس کے ساتھ ساتھ تمام تعلیمی بورڈز کے لیے یکساں سوالات پر مشتمل مرکزی سوالیہ بینک بھی قائم کیا جائے گا، جس سے امتحانی معیار میں یکسانیت پیدا ہوگی۔ ان اصلاحات کا بنیادی مقصد نقل اور بے ضابطگیوں کا خاتمہ، امتحانی عمل میں شفافیت اور طلبا کو منصفانہ نظام فراہم کرنا ہے۔
