وزیر اعظم شہباز شریف 26 اور 27 نومبر کو بحرین کا دورہ کریں گے۔ دفتر خارجہ کے ترجمان کے مطابق یہ دورہ پاکستان اور بحرین کے دیرینہ اور برادرانہ تعلقات کی تجدید کی عکاسی کرتا ہے۔ وزیراعظم کے ہمراہ نائب وزیراعظم اسحاق ڈار سمیت اعلیٰ سطحی وفد بھی موجود ہوگا۔
پاکستان جب بھی حملہ کرتا ہے تو اعلانیہ کرتا ہے، کبھی سویلین پر حملہ نہیں کرتا: ترجمان پاک فوج
دورے کے دوران وزیراعظم شہباز شریف بحرینی قیادت سے تجارت اور سرمایہ کاری کے شعبوں میں بات چیت کریں گے، ساتھ ہی توانائی، ٹیکنالوجی، تعلیم اور ثقافت کے امور پر بھی تبادلہ خیال ہوگا۔ یہ دورہ دونوں ممالک کے درمیان دوطرفہ تعاون کو مزید فروغ دینے میں اہم سنگ میل ثابت ہوگا۔ واضح رہے کہ بحرین میں پاکستانیوں کی بڑی تعداد روزگار کے سلسلے میں مقیم ہے۔
