ملتان کی ایڈیشنل ڈسٹرکٹ اینڈ سیشن عدالت نے ثانیہ زہرا قتل کیس میں مقتولہ کے شوہر علی رضا کو سزائے موت سنائی۔
ثانیہ زہرا قتل کیس میں شوہر علی رضا، ساس عذرا پروین، دیور علی حیدر سمیت 6 ملزمان کو نامزد کیا گیا تھا۔
پنجاب: تعلیمی اداروں میں جنسی جرائم کی روک تھام کے لیے بڑا فیصلہ
عدالت نے فیصلہ سناتے ہوئے شوہر علی رضا کو دفعہ 302 کے تحت سزائے موت، ساس عذرا پروین اور دیور علی حیدر کو عمر قید اور 5 لاکھ روپے جرمانے کی سزا سنائی، جبکہ 3 ملزمان کو بری کر دیا گیا۔
فیصلے کے بعد میڈیا سے گفتگو کرتے ہوئے مقتولہ ثانیہ زہرا کے والد اسد عباس شاہ نے کہا کہ وہ اپنی بیٹی کے لیے اکیلے لڑتے رہے اور آج انصاف اور عدلیہ کی جیت ہوئی ہے۔
انہوں نے کہا کہ اب کوئی بھی کسی بچی کو قتل نہیں کرسکے گا۔ واضح رہے کہ ثانیہ زہرا کو گزشتہ سال اس کے شوہر نے قتل کیا تھا۔
