اسلام آباد اور راولپنڈی میں یکساں نظام صلوٰۃ سے متعلق وفاقی وزارتِ مذہبی امور نے فیصلے کر لیے۔
وزارتِ مذہبی امور کے نظامِ صلوٰۃ سے متعلق اجلاس میں طے کیا گیا کہ جڑواں شہروں کی تمام مساجد میں ایک ہی وقت پر اذان اور باجماعت نماز ادا کی جائے گی۔
جدید ٹیکنالوجی نے چوروں کا راستہ آسان کردیا
اس حوالے سے جلد اذان اور نماز کے شیڈول کا کیلنڈر بھی جاری کیا جائے گا، جبکہ جمعہ کے خطبے کے موضوعات کے لیے علما کرام نے فہرست تیار کرنے پر بھی اتفاق کیا ہے۔
وزارتِ مذہبی امور کے ترجمان کے مطابق علما کرام نے یکساں اوقاتِ اذان و نماز کے نفاذ اور خطباتِ جمعہ کے موضوعات کی فہرست کی تیاری پر اتفاق کر لیا ہے۔
خطباتِ جمعہ اتحادِ امت، اصلاحِ معاشرہ اور نوجوان نسل کی رہنمائی کے موضوعات پر مبنی ہوں گے، جبکہ مساجد کے انتظام، انصرام اور سکیورٹی سے متعلق مشترکہ سفارشات بھی تیار کی جائیں گی۔
ان سفارشات پر عملدرآمد کی نگرانی وزارتِ مذہبی امور کرے گی، اور نظامِ صلوٰۃ کو مؤثر بنانے کے لیے قانون سازی کا فیصلہ بھی کیا گیا ہے۔
