محکمہ موسمیات نے سال 2026 کے دوران چاند کی رویت کا پیشگی کیلنڈر جاری کر دیا ہے۔
کلائمٹ ڈیٹا پروسیسنگ سینٹر کی جانب سے تیار کیے گئے اس کیلنڈر میں اسلامی مہینوں کی ممکنہ تاریخیں، چاند کی پیدائش، غروبِ آفتاب اور رویت کے اوقات شامل ہیں۔
پاکستان اور افغان طالبان کے درمیان مذاکرات آج ترکیہ میں ہوں گے
محکمہ کے مطابق شعبان کا چاند 21 جنوری، رمضان کا چاند 18 فروری، شوال کا چاند 19 مارچ اور ذی القعد کا چاند 18 اپریل 2026 کو نظر آنے کا امکان ہے۔
اسی طرح ذی الحجہ کا چاند 17 مئی، محرم کا چاند 15 جون، صفر کا چاند 15 جولائی اور ربیع الاول کا چاند 13 اگست 2026 کو دکھائی دینے کی پیش گوئی کی گئی ہے۔
مزید بتایا گیا ہے کہ ربیع الثانی کا چاند 12 ستمبر، جمادی الاول کا چاند 12 اکتوبر، جمادی الثانی کا چاند 10 نومبر جبکہ رجب کا چاند 10 دسمبر 2026 کو نظر آنے کا امکان ہے۔
محکمہ موسمیات کے مطابق یہ کیلنڈر سائنسی اور موسمیاتی اعداد و شمار کی بنیاد پر تیار کیا گیا ہے تاکہ عوام اور مختلف ادارے اپنی منصوبہ بندی پہلے سے کر سکیں۔
