پاکستان میں HBO میکس کی سروسز کا آغاز، ماہانہ سبسکرپشن کتنے کی؟جانئے

پاکستان میں HBO میکس کی سروسز کا آغاز، ماہانہ سبسکرپشن کتنے کی؟جانئے

0

اسٹریمنگ پلیٹ فارم ایچ بی او میکس نے پاکستان میں اپنی سروس کا باضابطہ آغاز کر دیا ہے، جہاں صارفین اب ماہانہ 4.99 امریکی ڈالر (تقریباً 1,400 روپے) میں یہ سہولت حاصل کر سکیں گے۔
کھانسی کے یہ 3 سیرپ مت خریدیں،الرٹ جاری
کمپنی کے مطابق یہ اقدام وارنر برادرز ڈسکوری کی جانب سے کیا گیا ہے، اور ایچ بی او میکس نے پاکستان سمیت 15 نئے ممالک میں بیک وقت اپنی سروس متعارف کرائی ہے، جن میں بنگلہ دیش، کمبوڈیا، مکاؤ، سری لنکا اور یوکرین بھی شامل ہیں۔

ابتدائی مرحلے میں پاکستانی صارفین کے لیے مقبول عالمی سیریز اور فلمیں دستیاب ہوں گی، جن میں گیم آف تھرونز، ہاؤس آف دی ڈریگن، دی لاسٹ آف آس اور دی پٹ شامل ہیں۔

کمپنی کے مطابق 2026 کے آغاز میں مشہور کامیڈی شوز فرینڈز اور دی بگ بینگ تھیوری بھی پلیٹ فارم پر شامل کیے جائیں گے۔ صارفین اس سروس کو اسمارٹ ٹی وی، موبائل فون اور ٹیبلیٹس پر استعمال کر سکیں گے، جبکہ پلیٹ فارم پانچ علیحدہ پروفائلز بنانے، آف لائن ویوئنگ اور والدین کے لیے کنٹرول سیٹنگز جیسے فیچرز بھی فراہم کرے گا۔

ماہرین کے مطابق ایچ بی او میکس کے پاکستان میں لانچ سے بین الاقوامی معیار کے تفریحی مواد تک عوام کی رسائی مزید آسان ہو جائے گی۔

Leave A Reply

Your email address will not be published.