ہندوستان جارحیت سے باز نہ آیا تو نتائج بہت بھیانک ہونگے،یوم تکبیر پر وزیر اعظم آزاد کشمیر کا پیغام

مظفرآباد(نمائندہ خصوصی)وزیر اعظم آزاد کشمیر چوہدری انوارالحق نے یوم تکبیر پر خصوصی پیغام جاری کیا ہے۔

اپنے پیغام میں انہوں نے کہاکہ پاکستان کشمیری عوام کی امیدوں کا مرکز ہے ۔ مضبوط اور ناقابل تسخیر دفاع سے سیز فائر لائن کے اس پار لوگوں کے حوصلے بلند ہوئے ہیں۔ ہندوستان خطے میں انتہا پسندانہ رحجانات کا مرکز بنتا جارہا ہے۔کشمیریوں پر ظلم و جبر کے پہاڑ توڑے جارہے ہیں ۔

انہوں نے کہاکہ کشمیری بدترین بھارتی ظلم و بربریت کے سامنے نہ جھکے ہیں نہ جھکیں گے۔ پاکستان نے تمام تر دباو کو مسترد کرتے ہوئے ایٹمی دھماکے کئے۔ ہندوستان اپنی جارحیت سے باز نہ آیاتواس کے نتائج بہت بھیانک ہو نگے ۔

انہوں نے کہاکہ ہمیں اپنی دفاعی صلاحیت کو مضبوط سے مضبوط کرنا ہے تاکہ دشمن ہماری طرف دیکھنے سے پہلے سو بار سوچے۔ جب تک مسئلہ کشمیر حل نہیں ہوتا سیز فائر لائن پر امن نہیں ہوسکتا۔