برمنگھم : آسٹریلیا اور انگلینڈ کے درمیان جاری ایشیز سیریز کا پہلا ٹیسٹ میچ دلچسپ مرحلے میں داخل ہوگیا، کینگروز کو پہلے میچ میں فتح کیلئے آج آخری روز مزید 174 رنز جبکہ انگلش ٹیم کو 7 وکٹیں درکار ہیں۔
رمنگھم ٹیسٹ کے چوتھے روز میزبان ٹیم نے 28 رنز 2 کھلاڑی آؤٹ پر اپنی دوسری اننگز کا دوبارہ آغاز کیا اور 273 رنز پر ڈھیر ہوگئی جبکہ آسٹریلیا کو جیت کے لئے 280 رنز کا ہدف دیا، جو روٹ 46، ہیری بروک 46 اور کپتان بین سٹوکس 43 رنز کی اننگ کھیل نمایاں رہے۔
آسٹریلیا کی جانب سے پیٹ کمنز نے 63 رنز کے عوض 4 اور نیتھن لیون نے 80 رنز کے عوض 4 وکٹیں حاصل کیں۔
مہمان ٹیم نے 281 رنز کے ہدف کے تعاقب میں چوتھے روز کھیل کے اختتام تک اپنی دوسری اننگ میں 3 وکٹوں کے نقصان پر 107 رنز بنائے، ڈیوڈ وارنر 36، مارن لبھوشین 13 اور سٹیون سمتھ 6 رنز بنا کر پویلین لوٹ گئے جبکہ عثمان خواجہ 34 اور سکاٹ بولینڈ 13 رنز کے ساتھ پر وکٹ پر موجود ہیں۔
انگلش ٹیم کی جانب سے فاسٹ باؤلر سٹورٹ براڈ نے 28 رنز کے عوض 2 اہم کھلاڑیوں کو پویلین کی راہ دکھائی۔
کینگروز کو پہلے میچ میں فتح کیلئے آج آخری روز مزید 174 رنز جبکہ انگلش ٹیم کو 7 وکٹیں درکار ہیں۔
