پنجاب میں تعلیمی نظام کو جدید تقاضوں کے مطابق بنانے کے لیے اہم منصوبے پر عمل درآمد کا فیصلہ کر لیا گیا ہے۔ اس کے تحت طلبہ کو روایتی درسی کتابوں کے بجائے کروم بکس فراہم کی جائیں گی تاکہ ڈیجیٹل تعلیم کو فروغ دیا جا سکے اور طلبہ کے لیے تعلیمی وسائل تک رسائی آسان ہو۔
سیکیورٹی ایکس چینج کمیشن آف پاکستان کو ریفارمز چیمپئن کا اعزاز مل گیا
محکمہ اسکول ایجوکیشن کے مطابق اس منصوبے کے نفاذ سے درسی کتابوں کی چھپائی پر آنے والے کروڑوں روپے کے اخراجات میں نمایاں کمی آئے گی۔ کروم بک منصوبہ مرحلہ وار متعارف کرایا جائے گا اور پہلے مرحلے میں پرائمری کلاسز کے لیے ایک پائلٹ پروجیکٹ شروع کیا جائے گا، جس کے نتائج کے جائزے کے بعد منصوبے کو مزید وسعت دی جائے گی۔
دوسری جانب پنجاب کے تمام تعلیمی بورڈز کے رولز اور ریگولیشن کو یکساں کرنے کا بھی فیصلہ کیا گیا ہے۔ اس مقصد کے لیے تعلیمی بورڈز کے ایکٹ میں ترمیم کی جائے گی، کیونکہ مختلف رولز اور ریگولیشن کی وجہ سے سرٹیفکیٹ ہولڈرز کو مشکلات کا سامنا کرنا پڑتا ہے۔ محکمہ ہائر ایجوکیشن اس ایکٹ میں تبدیلی کے لیے کام شروع کر چکا ہے۔
