حفاظتی اقدامات کے باوجود یوٹیوب پر بچوں کو کھانے کی خرابی (Eating Disorders) سے متعلق نقصان دہ مواد دکھائے جانے کا انکشاف ہوا ہے۔
سینٹر فار کاؤنٹرنگ ڈیجیٹل ہیٹ (CCDH) کی نئی تحقیق کے مطابق آن لائن حفاظتی ضوابط کے نفاذ کے بعد یوٹیوب کے نظام میں بہتری آئی ہے، تاہم پلیٹ فارم اب بھی بچوں کو ایسے مواد کی تجاویز دے رہا ہے جس میں انتہائی دبلا ہونے، کم غذائیت والی غذاؤں اور خطرناک ڈائٹنگ سے متعلق معلومات شامل ہیں۔
تحقیق کے مطابق CCDH نے یوٹیوب کے **”اپ نیکسٹ” (Up Next)** سفارشی الگورتھم کا جائزہ لیا، جس کے لیے امریکا، برطانیہ اور یورپ میں 13 سالہ بچی کے فرضی اکاؤنٹس استعمال کیے گئے۔
مطالعے میں سامنے آیا کہ نقصان دہ مواد کی سفارشات میں 2024 کے مقابلے میں کمی آئی ہے اور اب ایسی تجاویز تقریباً ہر 9 میں سے ایک سفارش تک محدود ہو گئی ہیں۔
یہ تحقیق برطانیہ کے **آن لائن سیفٹی ایکٹ**، یورپی یونین کے **ڈیجیٹل سروسز ایکٹ** اور یوٹیوب کی جانب سے کیے گئے حفاظتی اقدامات کے بعد پلیٹ فارم کی کارکردگی کا جائزہ لینے کے لیے کی گئی۔
