پاکستان میں ڈیجیٹل معیشت کے فروغ کے لیے عالمی کمپنیوں کی دلچسپی میں مسلسل اضافہ ہو رہا ہے اور ٹیکنالوجی پر مبنی ترقی کو نئی رفتار مل رہی ہے۔
صوبے کے ہر غریب شہری تک پیٹرول اور پبلک ٹرانسپورٹ کی سبسڈی فراہم کی جائے گی، وزیر اعلیٰ سندھ
اسی تناظر میں جاز اور ویون کی قیادت نے وفاقی وزیر خزانہ محمد اورنگزیب سے ملاقات میں 1 ارب ڈالر کی سرمایہ کاری منصوبہ پیش کیا، جو آئندہ تین برسوں میں کنیکٹیویٹی، ڈیجیٹل انفراسٹرکچر اور پلیٹ فارمز کی توسیع کے لیے استعمال کی جائے گی۔
ویون گروپ نے گزشتہ تین دہائیوں میں پاکستان میں 11 ارب ڈالر سے زائد سرمایہ کاری کی ہے اور قومی خزانے میں 500 ارب روپے سے زیادہ حصہ ڈالا ہے۔
مزید برآں، 190 میگا ہرٹز اضافی اسپیکٹرم (239 ملین ڈالر) سے نیٹ ورک کو مضبوط بنایا گیا اور 5G سمیت جدید ڈیجیٹل خدمات کے آغاز کی راہ ہموار ہوئی ہے۔ جاز کے مربوط ڈیجیٹل ایکو سسٹم کے ذریعے 100 ملین سے زائد صارفین کو کنیکٹیویٹی، فِن ٹیک اور دیگر خدمات فراہم کی جا رہی ہیں۔
یہ پیش رفت مالی شمولیت، رسمی معیشت کی توسیع اور سرمایہ کاری پر مبنی معاشی ترقی کو مزید تقویت دے گی۔
