انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ 2026 سے پہلے فل ممبر ٹیموں کے میچوں کی تفصیلات سامنے آ گئی ہیں۔ ٹی ٹوئنٹی ورلڈ کپ سے قبل فل ممبر ٹیموں کی تیاریاں حتمی مرحلے میں داخل ہو گئی ہیں اور اب کسی فل ممبر ٹیم کی مزید کسی سیریز کا امکان ختم ہو گیا ہے۔
فیض حمید سیاسی سرگرمیوں میں ملوث پائے گئے،رانا ثنااللہ
پاکستان ٹیم ٹی ٹوئنٹی ورلڈ کپ سے قبل چھ میچ کھیلے گی۔ جنوری میں تین میچ سری لنکا میں کھیلے جائیں گے، جبکہ تین میچ ہوم گراؤنڈ پر آسٹریلیا کے خلاف ہوں گے۔ افغانستان، بنگلہ دیش، آئر لینڈ اور زمبابوے ٹی ٹوئنٹی ورلڈ کپ سے قبل کوئی میچ نہیں کھیلیں گے۔ آسٹریلیا نے پاکستان کے خلاف تین ٹی ٹوئنٹی میچ کھیلنے ہیں۔
انگلینڈ نے سری لنکا میں جنوری میں تین ٹی ٹوئنٹی میچ کھیلنے ہیں۔ بھارتی ٹیم ہوم گراؤنڈ پر پانچ ٹی ٹوئنٹی میچ کی سیریز کھیل رہی ہے، جبکہ بھارت کی ٹیم جنوری میں نیوزی لینڈ کے ساتھ پانچ ٹی ٹوئنٹی میچ کی ہوم سیریز کھیلے گی۔
جنوبی افریقہ بھارت میں سیریز کھیل رہی ہے، جبکہ تین ٹی ٹوئنٹی میچ کے لیے ویسٹ انڈیز کی ٹیم جنوبی افریقہ کا دورہ کرے گی۔ دسمبر اور جنوری میں بھارتی ٹیم سب سے زیادہ دس ٹی ٹوئنٹی میچ کھیلے گی۔ جنوبی افریقہ کی ٹیم کو آٹھ ٹی ٹوئنٹی میچ کھیلنے کا موقع مل رہا ہے۔ پاکستان کرکٹ ٹیم ٹی ٹوئنٹی ورلڈ کپ سے قبل چھ ٹی ٹوئنٹی میچ کھیلے گی۔
میزبان سری لنکا کرکٹ ٹیم بھی ہوم گراؤنڈ پر چھ میچ کھیلے گی۔ نیوزی لینڈ کرکٹ ٹیم پانچ ٹی ٹوئنٹی میچ کھیلے گی۔ آسٹریلیا، انگلینڈ اور ویسٹ انڈیز کو تین تین ٹی ٹوئنٹی میچ مل رہے ہیں۔ آئی سی سی ٹی ٹوئنٹی ورلڈ کپ سات فروری سے آٹھ مارچ تک بھارت اور سری لنکا میں کھیلا جائے گا۔
