قومی سلیکشن کمیٹی نے ٹی ٹوینٹی اسکواڈ کا ابتدائی ڈھانچہ تیار کرلیا ہے، جبکہ ٹیم کے حتمی اعلان کا امکان آئندہ ہفتے ہے۔ ذرائع کے مطابق کپتان بابراعظم کی اسکواڈ میں واپسی متوقع ہے۔
صائم ایوب اور محمد حارث کو بھی ٹیم میں برقرار رکھنے کا فیصلہ کیا گیا ہے، حالانکہ دونوں بیٹرز نے ایشیا کپ میں نمایاں کارکردگی نہیں دکھائی تھی۔ سلیکٹرز، کوچز اور کپتان نے دونوں کھلاڑیوں کو مزید موقع دینے پر اتفاق کیا ہے۔
اے آئی ایپس سے متعلق رپورٹ میں دلچسپ انکشاف
ذرائع کے مطابق حسن علی اور حارث رؤف بھی اسکواڈ کا حصہ ہوں گے، جبکہ فاسٹ بولر نسیم شاہ کی واپسی کا امکان ہے۔ خوشدل شاہ اور حسین طلعت کو ٹیم سے ڈراپ کرنے کا فیصلہ کیا گیا ہے۔
علاوہ ازیں، نوجوان آل راؤنڈر عرفان نیازی کی ٹیم میں شمولیت متوقع ہے، تاہم وکٹ کیپر بلے باز محمد رضوان کی جگہ بنانا ان کے لیے مشکل ہوگا۔
ذرائع کا کہنا ہے کہ شاہین شاہ آفریدی کو ٹی ٹوینٹی یا ون ڈے فارمیٹ میں سے کسی ایک میں آرام دینے پر غور کیا جا رہا ہے، تاہم اس بارے میں حتمی فیصلہ ابھی نہیں کیا گیا۔
