واٹس ایپ میں مس کال نوٹس سمیت کئی نئے فیچرز متعارف

واٹس ایپ نے صارفین کے لیے نئے فیچرز کا اعلان کر دیا ہے، جن کا مقصد کالز، چیٹس اور اسٹیٹس میں رابطے اور تعامل کو مزید آسان اور دلچسپ بنانا ہے۔

نئے فیچرز میں مسڈ کال نوٹس شامل ہے، جس کے ذریعے اگر کسی صارف کی وائس یا ویڈیو کال کا جواب نہ دیا جائے تو کال کرنے والا براہِ راست چیٹ میں آڈیو یا ویڈیو نوٹ بھیج سکے گا۔ صارفین نوٹس کو ایک ٹپ سے سن اور دیکھ سکیں گے، جس سے روایتی وائس میل کی ضرورت کم ہو جائے گی۔

اوگرا نے ایل این جی کی قیمت میں کمی کر دی ، نوٹیفکیشن جاری

واٹس ایپ نے گروپ ویڈیو کالز میں اسپیکر کو نمایاں کرنے کے لیے اسپاٹ لائٹ فیچر متعارف کرایا ہے اور ری ایکشنز کے ذریعے تاثرات ظاہر کرنے کی سہولت دی ہے۔ اسٹیٹس سیکشن میں نئے انٹرایکٹو اسٹیکرز شامل کیے گئے ہیں، جن میں موسیقی کی لائنز، سوالات اور دلچسپ ڈیزائنز موجود ہیں۔

مزید براں، میٹا اے آئی امیج جنریشن ٹولز کی اپ گریڈ سے صارفین تصاویر کی کوالٹی بہتر کر کے مختصر ویڈیوز میں تبدیل کر سکتے ہیں۔ ڈیسک ٹاپ ورژن میں نیا میڈیا ٹیب شامل کیا گیا ہے جو تمام چیٹس کے مشترکہ میڈیا، لنکس اور ڈاکومنٹس کو آسانی سے تلاش اور منظم کرنے میں مدد دے گا، جبکہ لنک پریویوز کو بھی بہتر بنایا گیا ہے۔ یہ اپڈیٹس 2025 کے تعطیلاتی سیزن سے قبل صارفین کے لیے متعارف کرائی گئی ہیں۔