ہرارے:آئی سی سی کرکٹ ورلڈ کپ کوالیفائر میں کل(اتوار کو )مزید دو میچوں کا فیصلہ ہو گا ، پہلا میچ سری لنکا اور آئرلینڈ جبکہ دوسرا میچ عمان اور سکاٹ لینڈ کے درمیان کھیلا جائے گا ، آئی سی سی کے زیر اہتمام ورلڈ کپ کوالیفائر کے دلچسپ مقابلوں کا سلسلہ زمبابوے میں جاری ہے ،
(کل(اتوار کو )گروپ بی پہلے میچ میں سری لنکا اور آئرلینڈ کی ٹیمیں کوئنز سپورٹس کلب ، بلاوایو میں آمنے سامنے ہوں گی ، گروپ بی میں سری لنکا پہلے دونوں میچ جیت کر 4 پوائنٹس کے ساتھ سرفہرست ہے جبکہ آئرلینڈ نے ابھی تک کوئی میچ نہیں جیتا ،
اسی روز گروپ بی کا دوسرا میچ عمان اور سکاٹ لینڈ کے درمیان بلاوایو اتھلیٹک کلب میں کھیلا جائے گا ، سکاٹ لینڈ گروپ بی میں دوسرے اوراومان تیسرے نمبر پر ہے ۔
