سابق ٹیسٹ فاسٹ بولر سرفراز نواز کی سوانح عمری سے پاکستان کرکٹ کو ایک اور بڑے معاملے کا سامنا ہو سکتا ہے۔
لندن میں مقیم 76 سالہ سرفراز نواز کا کہنا ہے کہ وہ اپنی سوانح عمری میں میچ فکسنگ سمیت کئی چونکا دینے والے انکشافات کرنے جا رہے ہیں۔
ٹیرف اور سرمایہ کاری کے ذریعے غیر ملکی زمینوں سے کھربوں ڈالر لے رہے ہیں: ٹرمپ
سوشل میڈیا پر جاری کیے گئے ایک ویڈیو بیان میں ریورس سوئنگ کے بانی سرفراز نواز کا کہنا تھا کہ وہ سچائیاں جو سایوں میں دھکیل دی گئی تھیں، اب منظر عام پر آ رہی ہیں۔
انہوں نے کہا کہ وہ اس خفیہ دنیا سے پردہ اٹھا رہے ہیں جسے جوا مافیا نے طویل عرصے سے چھپا کر رکھا تھا۔
سرفراز نواز نے کہا کہ وہ ان لوگوں کے خلاف اکیلے کھڑے رہے جو خاموشی سے کھیلوں کو اپنے مفادات کے لیے استعمال کرتے رہے۔
سابق ٹیسٹ کرکٹر کا مزید کہنا تھا کہ اب وہ سچائیاں جو سایوں میں دھکیل دی گئی تھیں، منظر عام پر آ رہی ہیں۔ وہ وہ سب کچھ کہہ رہے ہیں جسے دوسروں نے کہنے کی ہمت نہیں کی۔
یاد رہے کہ سرفراز نواز نے 55 ٹیسٹ میچز اور 45 ایک روزہ بین الاقوامی میچز میں پاکستان کی نمائندگی کی ہے۔
