ورلڈ جسٹس پروجیکٹ (WJP) کی 2025 رول آف لا انڈیکس کے مطابق ڈنمارک دنیا میں قانون کی حکمرانی کے لحاظ سے پہلے نمبر پر ہے، جبکہ پاکستان کی پوزیشن 130 ویں نمبر پر برقرار ہے۔
نیویارک کا نیا میئرکون؟ پولنگ آج ہوگی
غیرملکی میڈیا کے مطابق رپورٹ میں کہا گیا ہے کہ دنیا کے بیشتر ممالک میں قانون کی بالادستی کمزور ہوئی ہے اور 68 فیصد ممالک نے گزشتہ سال کے مقابلے میں زوال کا مظاہرہ کیا۔ ڈنمارک کے بعد ناروے، فن لینڈ اور سویڈن کی پوزیشنز ہیں۔
امریکا اس بار 27 ویں نمبر پر آیا، جبکہ چین 92 ویں نمبر پر پہنچ کر قدرے بہتر کارکردگی دکھائی۔ بھارت 79 ویں نمبر پر رہا۔ فہرست کے آخری حصے میں وینزویلا 143 ویں اور افغانستان 142 ویں نمبر پر شامل ہیں، جبکہ روس اور سوڈان میں بھی نمایاں گراوٹ دیکھی گئی۔
رپورٹ میں بتایا گیا ہے کہ دنیا بھر میں حکومتی طاقت پر پابندیوں میں کمی اور آمریت کے رجحانات کے باعث قانون کی حکمرانی کو خطرات لاحق ہیں۔
