پنجابی موسیقی کے عالمی سفیر دلجیت دوسانجھ نے آسٹریلیا میں شاندار کامیابی حاصل کرتے ہوئے تاریخ رقم کر دی۔ ویسٹرن سڈنی میں اپنے ’’آورا ٹور‘‘ کے دوران انہوں نے 25 ہزار نشستوں والا اسٹیڈیم تقریباً مکمل طور پر بھر دیا، جہاں ٹکٹس کی قیمت 800 ڈالر تک جا پہنچی۔
دلجیت دوسانجھ سڈنی اور میلبورن کے اسٹیڈیمز میں ہیڈلائن کرنے والے پہلے بھارتی فنکار بن گئے ہیں، اور اب وہ برسبین، ایڈیلیڈ اور پرتھ میں بھی اپنے شوز پیش کریں گے۔
جامعہ پشاور میں کم داخلوں کے باعث 9 شعبے بند کردیے گئے
دلجیت دوسانجھ کے یوٹیوب ویوز 4.47 بلین، انسٹاگرام فالوورز 26 ملین اور اسپوٹیفائی پر ماہانہ 18.6 ملین سامعین ہیں، جو بھارتی موسیقی کی بڑھتی ہوئی عالمی مقبولیت کو ظاہر کرتے ہیں۔ ان کے مقبول گانے G.O.A.T، Born To Shine اور Patiala Peg نہ صرف بھارت بلکہ بین الاقوامی سطح پر بھی بے حد پسند کیے جاتے ہیں۔
رولنگ اسٹون آسٹریلیا سے گفتگو کرتے ہوئے دلجیت نے کہا کہ یہ ٹور صرف مداحوں کے لیے نہیں بلکہ بھارتی موسیقی اور ثقافت کو عالمی اسٹیج پر منانے کا موقع بھی ہے۔
گزشتہ سال انہوں نے برمنگھم میں برطانوی گلوکار ایڈ شیئرن کے ساتھ اسٹیج شیئر کیا تھا، جو اس بات کا ثبوت ہے کہ بھارتی موسیقی عالمی سطح پر اپنی مضبوط جگہ بنا چکی ہے۔
