اسلام آباد(سٹاف رپورٹر)یورپی یونین (ای یو) کی مالی اعانت اور یونائیٹڈ نیشنز انڈسٹریل ڈویلپمنٹ آرگنائزیشن (یو این آئی ڈی او) کے غربت کے خاتمے اور دیہی سندھ میں جامع ترقی (پائیدار) پروگرام پر عمل درآمد کرتے ہوئے آج کراچی کے نجی ہوٹل میں بزنس گرانٹس اورینٹیشن تقریب کامیابی سے اختتام پذیر ہوئی۔ چھوٹے اور درمیانے درجے کے کاروباری اداروں (ایس ایم ایز)، کاروباری افراد اور ایسوسی ایشنز کو بااختیار بنانے کے لیے منعقد ہونے والے اس ایونٹ نے متنوع کاروباری شعبوں کی نمائندگی کرنے والے 77 شارٹ لسٹ شدہ درخواست دہندگان کی شرکت کو ممکن بنایا۔ یہ شرکاء اب مضبوط کاروباری پروپوزل تیار کرنے کے لیے پائیدار کی طرف سے مختص کردہ کمپنیوں کے ساتھ تعاون کریں گے۔
گرانٹ فنڈ میں جن شعبوں کا انتخاب کیا گیا ان میں شمسی مصنوعات، آٹو موٹیو انڈسٹری، ویسٹ مینجمنٹ، کنسٹرکشن، فوڈ پروسیسنگ، نمک کی کان کنی، ریٹیل، بائیو ماس پروسیسنگ، ٹیلی میڈیسن، رائس ہسنگ اور ای کامرس وغیرہ شامل ہیں۔ اس تقریب میں خواتین کی ایک بڑی تعداد نے شرکت کی جس نے صنفی شمولیت اور خواتین کاروباریوں کے تعاون کے لیے پائیدار کے عزم کو اجاگر کیا۔ کاروباری منصوبہ بندی کے لیے ماہرین کی مدد فراہم کرنے والی تین تکنیکی معاونت (ٹی اے) کمپنیاں سندھ انٹرپرائز ڈویلپمنٹ فنڈ (ایس ای ڈی ایف)، کرئیٹو انٹگریشن (ای سی آئی) اور آئی-کنسلٹ ہیں۔ یہ معروف ادارے وسیع تجربہ اور خصوصی مہارت کی حامل ہیں جو کہ مضبوط کاروباری ترقی کو یقینی بناتی ہیں۔
نیشنل پروگرام کوآرڈینیٹر بدر الاسلام نے حاضرین کو خوش آمدید کہا اور پروگرام کے اغراض و مقاصد سے آگاہ کیا۔ انہوں نے کہا کہ یہ تقریب سندھ میں کاروباری برادری کو بااختیار بنانے کے لیے ایک اہم قدم ہے۔ یہ ٹی اے کمپنیاں جو تکنیکی معاونت فراہم کرتی ہیں وہ نہ صرف ان کاروباروں کو پائیدار گرانٹس کے لیے درخواست دینے میں مدد فراہم کریں گی بلکہ انہیں سٹریٹجک کاروباری منصوبے تیار کرنے اور دوسرے مالیاتی اداروں سے سرمایہ کاری کو راغب کرنے میں بھی بااختیار بنائیں گی، میں ان کے لیے نیک خواہشات کا اظہار کرتا ہوں۔سرمایہ کاری ڈیپارٹمنٹ کے سیکرٹری راجہ خرم شہزاد عمر نے اقتصادی ترقی کے لیے ایس ایم ایز کی اہمیت پر زور دیا۔
انہوں نے کہا کہ حکومت سندھ پائیدار پروگرام کے پائیدار ترقی کے ماڈل کو تسلیم کرتی اور اس کی تعریف کرتی ہے، خاص طور پر پائیدار کو اس اعتماد کے لیے سراہتی ہے جو اس نے سندھ میں تاجروں اور کاروباری برادری کو ضروری مالی مدد اور وسائل فراہم کیے ہیں۔حکومت سندھ کے محکمہ پلاننگ اینڈ ڈویلپمنٹ کے سیکریٹری خیر محمد کلواڑ نے اپنے خطاب میں یو این آئی ڈی او کو عوامی شعبے کے بنیادی ڈھانچے کی حمایت کے ذریعے غربت میں کمی کے لیے سندھ میں پائیدار پروگرام کے نفاذ پر مبارکباد دی۔ انہوں نے مشترکہ اہداف کے حصول کے لیے پائیدار کے ساتھ مل کر کام کرنے کے لیے کاروباری برادری کے لیے حکومت سندھ کی حمایت کا اظہار کیا۔
تقریب کا اختتام نیشنل ٹیکنیکل ایڈوائزر فاروق احمد صدیقی کے کلمات کے ساتھ ہوا جنہوں نے تمام شرکاء اور منتظمین کا شکریہ ادا کیا اور سندھ میں معاشی ترقی کے عزم کا اعادہ کیا۔ پائیدار ایس ایم ای گرانٹس مقامی کاروباروں میں نمایاں ترقی کرے گی جس کے نتیجے میں ملازمتیں پیدا ہوں گی، کاروباری سرگرمیاں بڑھیں گی اور ایس ایم ایز کو معاشی ترقی کو آگے بڑھانے کے لیے ضروری آلات اور علم سے آراستہ کیا جائے گا۔
بزنس ڈویلپمنٹ ونڈو کا آغاز سندھ بھر میں پائیدار روزگار کے مواقع اور پیداواری آمدنی پیدا کرنے میں کاروبار اور کاروباری اداروں کی مدد کے لیے کیا گیا تھا جس میں خواتین اور نوجوانوں پر خصوصی توجہ دی گئی تھی۔ مجوزہ پروجیکٹ کی لاگت کے 50 فیصد تک لاگت کے اشتراک کے ساتھ اور خواتین کی زیر قیادت کاروبار کے لیے 70 فیصد تک گرانٹس 11,000 یورو سے 200,000 یورو تک ہیں۔
