وکٹران اب پاکستان میں! Your Partner for Reliable Power 🔋 in Pakistan. 🇵🇰 The Best Energy Saving Solution ⚡
اسلام آباد (نیوز ڈیسک)پاکستان اسپورٹس بورڈ نے اس بات کی سختی سے تردید کی ہے کہ قومی ہاکی ٹیم ادھار ٹکٹ پر چین روانہ ہوئی۔گزشتہ دنوں چین میں ہونے والی ایشین چیمپیئنز ٹرافی کے لیے پاکستان کی ہاکی ٹیم کا اسکواڈ چین کی ہوائی کمپنی کے ساتھ ادھار ٹکٹ پر روانہ ہوا جس کی تصدیق خود پی ایچ ایف کے صدر نے کی۔اس حوالے سے پاکستان اسپورٹس بورڈ نے اپنا مؤقف پیش کرتے ہوئے اس بات کی صریحاً نفی کردی کہ ایسا کچھ نہیں ہوا اور خبر کی تردید کرتے ہوئے کہا ہے کہ پاکستان اسپورٹس بورڈ نے ہمیشہ وقمی ہاکی ٹیم کی حمایت کی ہے اور96ملین روپے کی رقم جاری کی ہے، جس میں بین الاقوامی مقابلوں میں ٹیم کی شرکت بھی شامل ہے۔
بورڈ حکام کا کہنا ہے کہ پاکستان ہاکی فیڈریشن کا یہ دعویٰ بالکل بے بنیاد ہے کہ پاکستان اسپورٹس بورڈ ان کی فنڈنگ میں رکاوٹ ڈال رہا ہے، ہم نے 19 کھلاڑیوں اور 4عہدیداروں کیلئے مالی امداد کی منظوری دی۔پاکستان ہاکی فیڈریشن کے الزامات کے برعکس پاکستان اسپورٹس بورڈ نے قومی ہاکی ٹیم کے ہوائی جہاز کے ٹکٹوں کے پیسے دینے کی رضامندی ظاہر کی تھی بشرطیکہ اس کی اصل رسیدیں جمع کرائی جائیں۔
پی ایس بی نے نصیر بندہ ہاکی اسٹیڈیم میں میں کھلاڑیوں کیلئے تین ہفتے کا تربیتی کیمپ بھی منعقد کروایا جو اس بات کا ثبوت ہے کہ پی ایس بی ٹیم کی تیاری کیلئے پر عزم تھی۔فنڈز کے اجراء کی تاخیر صرف پاکستان ہاکی فیڈریشن کی جانب سے مطلوبہ دستاویزات بروقت فراہم نہ کرنے کی وجہ سے ہوئی۔پی ایس بی اگرچہ قومی ہاکی ٹیم کی حمایت کرتا ہے لیکن ہر مالی درخواست کو پورا کرنے کا پابند نہیں ہے پی ایچ ایف کے آئین کے مطابق فیڈریشن کو اپنے فبڈز جمع کرانے کی ذمہ داری ہے۔
پاکستان کے احسن ایاز نے کولی ول اوپن اسکواش ٹورنامنٹ اپنے نام کر لیا
