پاکستان میں کیمبرج امتحانات کے پرچہ لیک ہونے کے معاملے کی تحقیقات کا دائرہ برطانیہ تک پہنچ گیا ہے۔
پاکستان میں کیمبرج امتحانات کےمبینہ پیپر لیک اسکینڈل کی تحقیقات اب بین الاقوامی سطح تک پھیل گئی ہیں،ذرائع کے مطابق برطانوی اداروں نے بھی معاملے کی تحقیقات شروع کردی ہیں تاکہ یہ معلوم کیا جاسکے کہ امتحانی پرچہ کیمبرج یونیورسٹی کے نظام سے چوری ہوا یا کسی اور ذریعے سے لیک کیا گیا
ذرائع کا کہنا ہے کہ کیمبرج یونیورسٹی انتظامیہ بھی اس معاملے کی اندرونی تحقیقات کررہی ہے اور مختلف پہلوؤں کا جائزہ لیا جارہا ہے۔
تعلیمی حلقوں کے مطابق پیپر لیک کے معاملے نے طلبہ اور والدین میں شدید تشویش پیدا کردی ہے، جبکہ شفاف تحقیقات اور ذمہ دار عناصر کے خلاف کارروائی کا مطالبہ کیا جارہا ہے۔
برطانوی حکام اس بات کا تعین کرنے کی کوشش کررہے ہیں کہ امتحانی مواد کس مرحلے پر لیک ہوا اور آیا اس میں کسی داخلی یا بیرونی نیٹ ورک کا کردار موجود تھا یا نہیں۔
