پاکستان جب بھی حملہ کرتا ہے تو اعلانیہ کرتا ہے، کبھی سویلین پر حملہ نہیں کرتا: ترجمان پاک فوج

پاک فوج کے ترجمان لیفٹیننٹ جنرل احمد شریف چوہدری نے کہا ہے کہ پاکستان جب بھی حملہ کرتا ہے تو اعلانیہ کرتا ہے اور کسی بھی صورت سویلین پر حملہ نہیں کرتا۔
صیہونی حکومت نےبھارت میں آباد بنی میناشے یہودیوں کو اسرائیل منتقل کرنےکا منصوبہ منظورکرلیا

آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری نے بریفنگ میں بتایا کہ ان کی نظر میں کوئی گڈ یا بیڈ طالبان نہیں، دہشت گردوں میں کوئی تفریق نہیں کی جاتی۔ انہوں نے کہا کہ پاکستان اپنے ردعمل میں ہمیشہ ریاست کے طور پر کام کرتا ہے، خون اور تجارت ایک ساتھ نہیں چل سکتے، یہ ممکن نہیں کہ ملک پر حملے بھی ہوں اور ساتھ تجارت بھی جاری رہے۔ پاکستان افغان عوام کے خلاف نہیں بلکہ دہشت گردی کے خلاف ہے۔

انہوں نے کہا کہ طالبان حکومت کو ریاست کی طرح فیصلے کرنا ہوں گے، نان اسٹیٹ ایکٹرز کی طرح نہیں۔ انہوں نے سوال اٹھایا کہ طالبان حکومت کب تک عبوری حیثیت میں رہے گی۔

ڈی جی آئی ایس پی آر نے بتایا کہ متعدد دہشت گردی کے واقعات میں نان کسٹم پیڈ گاڑیاں استعمال ہوئیں، اس لیے ایسی گاڑیوں پر فوری پابندی عائد کی جانی چاہیے۔

انہوں نے کہا کہ سابق ڈی جی آئی ایس آئی فیض حمید کا ٹرائل قانونی معاملہ ہے، اس پر قیاس آرائی سے گریز کیا جائے، اور معاملہ جیسے ہی حتمی نتیجے پر پہنچے گا اس کا اعلان کر دیا جائے گا۔