حکومت بلوچستان نے صحت کے شعبے میں بڑا فیصلہ کرتے ہوئے کنٹریکٹ اور ایڈہاک تعیناتیوں پر پابندی عائد کر دی ہے۔ اب ڈاکٹرز اور طبی عملہ بلوچستان پبلک سروس کمیشن کے ذریعے مستقل بنیادوں پر تعینات ہوں گے۔
امریکی ریاست نیو جرسی میں 2 ہیلی کاپٹر آپس میں ٹکرا گئے
حکومت بلوچستان نے محکمہ صحت میں کنٹریکٹ اور ایڈہاک ڈاکٹرز کی تعیناتیاں ختم کرنے کا اعلان کر دیا ہے۔ محکمہ صحت کے جاری کردہ نوٹیفکیشن کے مطابق اسسٹنٹ پروفیسر، سینئر رجسٹرار اور اسپیشلسٹ کی کنٹریکٹ ملازمتیں ختم ہوں گی۔ محکمہ صحت نے گریڈ 16 اور 17 کی مجموعی طور پر 1003 خالی اسامیوں پر مستقل تعیناتیوں کے لیے بلوچستان پبلک سروس کمیشن کو درخواست بھیج دی ہے۔ ان خالی اسامیوں میں 560 میڈیکل افسران، 346 لیڈی میڈیکل افسران اور 97 ڈینٹل سرجن شامل ہیں۔
ینگ ڈاکٹرز ایسوسی ایشن کے رہنماؤں کا کہنا ہے کہ یہ اقدام صحت کے شعبے میں خدمات کی روانی اور معیار کی بہتری کا سبب بنے گا۔ بلوچستان پبلک سروس کمیشن کے تحت مستقل تعیناتیوں کے بعد کنٹریکٹ بنیادوں پر کام کرنے والے ملازمین کی خدمات ختم کر دی جائیں گی، تاہم کنٹریکٹ ملازمین کے لیے ہمدردانہ ایڈجسٹمنٹ پر بھی غور کیا جائے گا۔
