اسلام آباد۔:وزیراعظم محمد شہباز شریف نے کہا ہے کہ مادر ملت محترمہ فاطمہ جناح نے عوام ، جمہوریت اور ملک کے لئے تاریخی کردار ادا کیا ، آمریت کے خلاف ڈٹ کر کھڑی ہوئیں،
انہوں نے تحریک پاکستان اور ملک کیلئے بے مثال کام کیااور قربانیاں دیں ، قوم مادر ملت کے احسانات کی مقروض رہے گی۔ مادر ملت محترمہ فاطمہ جناح کو ان کے 130ویں یوم پیدائش پر خراج عقیدت پیش کرتے ہوئے وزیراعظم نے کہا کہ محترمہ فاطمہ جناح ایک عظیم بھائی کی عظیم بہن تھیں، فاطمہ جناح قوم کے لئے ماں کا درجہ رکھتی ہیں، قوم پر ان کے بہت احسانات ہیں ۔
انہوں نے کہا کہ محترمہ فاطمہ جناح بابائے قوم کے لئے حوصلے اور ہمت کا ذریعہ تھیں، مادر ملت آمریت کے خلاف ڈٹ کر کھڑی ہوئیں، عوام ، جمہوریت اور ملک کے لئے تاریخی کردار ادا کیا ، محترمہ فاطمہ جناح نے تحریک پاکستان اور ملک کیلئے بے مثال کردار ادا کیا اور قربانیاں دیں۔ انہوں نے کہا کہ محترمہ فاطمہ جناح کی شخصیت آج کی بچیوں اور خواتین کے لئے مشعل راہ ہے ، قوم مادر ملت کی پاکستان کے لئے خدمات کو خراج عقیدت پیش کرتی ہے اور ہمیشہ ان کے احسانات کی مقروض رہے گی۔
