دوحا: ایشین اسنوکر چیمپین شپ میں پاکستانی کھلاڑی پری کوارٹر فائنل میں ایونٹ سے باہر ہوگئے۔
موصولہ اطلاعات کے مطابق قطر کے شہر دوحا میں جاری چیمپین شپ کے پری کوارٹر فائنل میں سابق عالمی چیمپین محمد آصف کو ہانگ کانگ کے چائو ہون مین نے 4-2 سے شکست دے کر ایونٹ سے باہر کر دیا۔
پاکستان میں شادی شدہ افراد میں سے 10 فیصد15سے 19سال کے درمیان ہیں: گیلپ سروے
پاکستان کے دوسرے کیوئسٹ رانا عرفان محمود نے بھرپور مزاحمت کی لیکن متحدہ عرب امارات کے محمد شہاب کے ہاتھوں 4-3 سے ہار گئے۔
دریں اثنا، ایشین انڈر 21 اسنوکر چیمپین شپ کے پہلے دن پاکستان کے سابق عالمی انڈر 17 چیمپین محمد حسنین اختر نے ایران کے عرشیہ دولت آبادی کو 3-2 سے شکست دے کر شاندار آغاز کیا۔
بدھ کو اے سی بی ایس کا سالانہ اجلاس بھی منعقد ہوگا۔
