انٹرنیشنل کرکٹ کونسل (آئی سی سی) نے بنگلہ دیش کی جانب سے بھارت نہ جانے کے حوالے سے دی گئی درخواست کو باقاعدہ مسترد کر دیا ہے۔ کرکٹ ویب سائٹ کی رپورٹ کے مطابق، اگر بنگلہ دیش کرکٹ ٹیم بھارت جا کر کھیلنے پر راضی نہیں ہوتی تو ایونٹ میں اس کی جگہ متبادل ٹیم کو شامل کرنے کا فیصلہ کیا جائے گا۔ اس سلسلے میں آئی سی سی کے اراکین کی اکثریت نے متبادل ٹیم کی شمولیت کے حق میں اپنا ووٹ دے دیا ہے تاکہ ایونٹ کے شیڈول میں کوئی رکاوٹ پیدا نہ ہو۔
ڈرائیونگ لائسنس کی فراہمی کا عمل تیز، قوانین کے نفاذ پر سختی سے عملدرآمد
آئی سی سی نے اس سنگین معاملے پر بنگلہ دیش کو حتمی فیصلے کے لیے ایک دن کی مہلت فراہم کر دی ہے۔ اگر اس مقررہ وقت کے دوران بنگلہ دیشی حکام نے بھارت جانے کے حوالے سے اپنی رضامندی ظاہر نہ کی اور آئی سی سی کی بات نہ مانی تو ان کی جگہ سکاٹ لینڈ کی ٹیم کو ٹورنامنٹ میں شامل کر لیا جائے گا۔ یہ صورتحال بنگلہ دیشی کرکٹ بورڈ کے لیے ایک مشکل چیلنج بن چکی ہے کیونکہ انہیں اب انتہائی محدود وقت میں اپنا موقف واضح کرنا ہوگا۔
