وزارت خزانہ نے اسلام آباد سے ملکی معیشت کے حوالے سے اپنی ماہانہ آؤٹ لک رپورٹ جاری کر دی ہے جس کے مطابق ملک میں براہ راست غیر ملکی سرمایہ کاری میں سینتیس اعشاریہ نو فیصد کی نمایاں کمی ریکارڈ کی گئی ہے، جبکہ عالمی سطح پر تیل کی قیمتوں میں اضافے کے باعث پاکستان میں مہنگائی کا دباؤ بڑھنے کا خطرہ موجود ہے۔ رپورٹ میں بتایا گیا ہے کہ جولائی دو ہزار چھبیس کے دوران مہنگائی نو سے دس فیصد کے درمیان رہنے کا امکان ہے، نیز امریکا اور ایران مالیاتی منڈیوں کے لیے ایک بڑا خطرہ قرار دیا گیا ہے۔
وزیرِ اعظم کی تیل و گیس کے شعبے میں ناجائز منافع خوری کے خاتمے کیلئے ڈیجیٹل نظام فعال کرنے کی ہدایت
تفصیلات کے مطابق مالی سال دو ہزار پچیس چھبیس میں براہ راست غیر ملکی سرمایہ کاری دو اعشاریہ چار سات سات ارب ڈالر سے کم ہو کر ایک اعشاریہ چھ تین چھ ارب ڈالر رہ گئی، جبکہ صرف جون دو ہزار چھبیس میں براہ راست غیر ملکی سرمایہ کاری محض تیرہم اعشاریہ پانچ ملین ڈالر رہی اور اس پوری مالی سال میں مجموعی غیر ملکی سرمایہ کاری تین اعشاریہ چھ ارب ڈالر ریکارڈ کی گئی۔ اس کے علاوہ اسی مالی سال کے دوران ملکی برآمدات چار اعشاریہ چھ فیصد کمی کے بعد تیس اعشاریہ آٹھ ارب ڈالر رہیں، تاہم ترسیلات زر میں سالانہ بنیادوں پر آٹھ اعشاریہ چھ فیصد کا اضافہ دیکھا گیا اور یہ ایکتالیس اعشاریہ چھ ارب ڈالر تک پہنچ گئیں۔
رپورٹ میں مزید آگاہ کیا گیا ہے کہ سترہ جولائی تک پاکستان کے کل زرمبادلہ ذخائر بائیس اعشاریہ سات ارب ڈالر رہے جن میں اسٹیٹ بینک کے پاس موجود ذخائر سترہ اعشاریہ تین ارب ڈالر شامل ہیں۔ مالی سال دو ہزار پچیس چھبیس میں ایف بی آر کی ٹیکس وصولیوں میں گزشتہ سال کے مقابلے میں دس اعشاریہ آٹھ فیصد اضافہ ہوا اور یہ ترانوے اعشاریہ صفر ایک ٹریلین روپے تک پہنچ گئیں، جبکہ جولائی تا مئی کے عرصے میں مالیاتی خسارہ جی ڈی پی کے ایک اعشاریہ چھ فیصد تک محدود رہا۔ اسی مدت کے دوران بڑی صنعتوں کی پیداوار میں بھی پانچ اعشاریہ آٹھ فیصد کا اضافہ ریکارڈ کیا گیا۔ زراعت کے شعبے سے متعلق رپورٹ میں نشاندہی کی گئی ہے کہ بارشوں کی کمی کی وجہ سے خریف کی فصلوں کو پانی کی قلت کا سامنا ہو سکتا ہے جس سے کپاس، چاول، گنے اور مکئی کی پیداوار متاثر ہونے کا خدشہ ہے۔
