سابق وزیر خزانہ مفتاح اسماعیل نے کہا ہے کہ اس وقت پیٹرولیم مصنوعات کی قیمتوں میں اضافہ آئل کمپنیوں کو زیادہ منافع دینے کے برابر ہے۔
!!!لڑکی کی رضا اور ولی کی اجازت لازم و ملزوم ہیں
انہوں نے کہا کہ آئل کمپنیاں جو پیٹرول اور ڈیزل آج فروخت کر رہی ہیں، وہ 28 فروری سے پہلے کم قیمت پر خریدا گیا تھا۔ ان کا کہنا تھا کہ ابھی قیمتیں بڑھانے اور کمپنیوں کو مزید منافع دینے کی کوئی ضرورت نہیں تھی۔
مفتاح اسماعیل نے کہا کہ قیمتیں بڑھانے کا یہ اقدام ویسا ہی ہے جیسا حکومت نے شوگر ملوں کو چینی برآمد کرنے کی اجازت دی تھی۔ ان کا کہنا تھا کہ اس سے شوگر مل مالکان کا منافع تو بڑھا لیکن عوام کو نقصان ہوا۔
