کراچی: ڈی جی آئی ایس پی آر نے جامعہ کراچی میں طلباء اور اساتذہ کے ساتھ خصوصی نشست کی، جہاں ان کا اساتذہ، طلباء اور فیکلٹی ممبران نے جوش و خروش سے استقبال کیا۔
برطانیہ میں ہر بالغ شہری کو اے آئی ٹیکنالوجی کی تربیت دی جائے گی
نشست کے دوران اساتذہ اور طلباء نے عزم کا اظہار کیا کہ پاکستان کی عوام اور مسلح افواج کسی بھی قومی سلامتی کے خطرے کا متحد ہو کر مقابلہ کریں گے۔ اساتذہ نے کہا کہ بغیر تحقیق معلومات پھیلانا معاشرتی انتشار اور غلط فہمیوں کا سبب بنتا ہے اور پاک فوج کا تعلیمی اداروں سے رابطہ نوجوانوں کے اعتماد اور قومی سوچ میں اضافہ کرتا ہے۔
طلباء نے بھی اس موقع پر کہا کہ نوجوان نسل ملک کے دفاع میں اپنا کردار ادا کرنے کے لیے پرعزم ہے اور سوشل میڈیا پر دشمن کے گمراہ کن بیانیے کو ناکام بنائیں گے۔ انہوں نے ڈی جی آئی ایس پی آر کی جانب سے سوشل میڈیا پر مس انفارمیشن اور ڈس انفارمیشن مہمات کے بارے میں فراہم کردہ آگاہی کو انتہائی مفید قرار دیا۔
نشست کے اختتام پر شرکاء نے قومی یکجہتی اور شعور اجاگر کرنے کے لیے ایسے اقدامات کو خوش آئند قرار دیا۔
