راولپنڈی میں انسداد دہشتگردی عدالت کے حکم پر نادرا نے سابق وزیراعظم عمران خان کی بہن علیمہ خان کا شناختی کارڈ اور پاسپورٹ بلاک کر دیا۔ عدالت نے یہ اقدام علیمہ خان کی مسلسل عدم پیشی کے باعث اٹھایا۔
راولپنڈی کی انسداد دہشتگردی عدالت کے جج امجد علی شاہ نے 26 نومبر کے احتجاج سے متعلق مقدمے کی سماعت کی، جس میں علیمہ خان سمیت 11 ملزمان نامزد ہیں۔ علیمہ خان اور ان کے وکلا ایک بار پھر عدالت میں پیش نہ ہوئے جبکہ دیگر 10 ملزمان اور استغاثہ کے گواہان عدالت میں موجود تھے۔
’اسٹرینجر تھنگز‘ سیزن 5 کب ریلیز ہوگی؟ نیٹ فلکس نے اعلان کردیا
سماعت کے دوران اسپیشل پراسیکیوٹر ظہیر شاہ بھی اپنی ٹیم کے ہمراہ پیش ہوئے۔ عدالت نے علیمہ خان کی غیر حاضری پر چھٹی مرتبہ ان کے ناقابل ضمانت وارنٹ گرفتاری جاری کیے۔
نادرا نے عدالت میں جمع کرائی گئی رپورٹ میں تصدیق کی کہ عدالتی حکم کے مطابق علیمہ خان کے شناختی کارڈ اور پاسپورٹ کو بلاک کر دیا گیا ہے۔
ادھر احتجاج کے دوران گاڑی کی سپرداری لینے والے ملزم عارف خان کی جانب سے مچلکے پیش نہ کرنے پر عدالت نے اسے جیل بھیجنے کا حکم دیا۔
