لاہور(نیوزڈیسک) 10 سال پرانے سانحہ ماڈل ٹاؤن کیس کی سماعت 7 ستمبر تک ملتوی کر دی گئی۔
لاہور کی انسداد دہشتگردی عدالت میں 10 سال پرانے سانحہ ماڈل ٹاؤن کیس کی سماعت ہوئی، جج ارشد جاوید نے کیس پر سماعت کی۔
مزید پڑھیں:الیکشن ترمیمی ایکٹ 2024 لاہور ہائی کورٹ میں چیلنج
پاکستان عوامی تحریک کے وکیل مخدوم مجید حسین شاہ عدالت پیش نہ ہوئے، عوامی تحریک کے وکیل کے پیش نہ ہونے سے کیس پر کوئی کارروائی نہیں ہو سکی۔
بعدازاں عدالت نے آئندہ سماعت پر جے آئی ٹی کے ارکان ایس پی سیف المرتضیٰ، ڈی ایس پی محمد اعظم اور اسد مظفر کو بطور گواہ طلب کرتے ہوئے کیس کی مزید سماعت 7 ستمبر تک ملتوی کر دی۔
