لاہور: پنجاب حکومت نے گندگی پھیلانے والوں پر جرمانے عائد کرنے کا فیصلہ کیا ہے۔
وزیراعلیٰ پنجاب مریم نواز کی زیر صدارت ستھرا پنجاب کے حوالے سے اجلاس ہوا، جس میں ویسٹ ٹو ویلیو پروجیکٹ کے لیے وسط جنوری تک جامع پلان طلب کیا گیا۔ بریفنگ میں بتایا گیا کہ صوبے بھر میں ستھرا پنجاب پر عوام کی طرف سے مثبت فیڈبیک آ رہا ہے، گاڑیوں کی چیکنگ کے لیے وہیکل ٹریکنگ مینجمنٹ سسٹم اور لائیو کنٹینر مانیٹرنگ جاری ہے، جبکہ تنخواہوں اور ادائیگی کے نظام کو ڈیجیٹلائز کر دیا گیا ہے۔
کرپشن پر آئی ایم ایف رپورٹ چارج شیٹ قرار، حکومت نے ایکشن پلان تیار کرنے کیلئے 31 دسمبر کی ڈیڈ لائن دیدی
وزیراعلیٰ نے کہا کہ صفائی کا اتنا بڑا نظام کسی معجزے سے کم نہیں، صفر سے آغاز کیا اور وقت کے ساتھ ستھرا پنجاب پروجیکٹ میں بہتری لائی گئی ہے۔ شہروں اور دیہات کی صفائی کا جامع نظام برسوں پہلے بننا چاہیے تھا۔
اجلاس میں فیصلہ کیا گیا کہ کمرشل ایریاز اور سڑکوں پر کوڑا کرکٹ پھیلانے والے قانون کے شکنجے میں آئیں گے اور جرمانے کے مستحق ہوں گے۔ پنجاب میں صفائی والی گاڑیاں اب ماحول دوست الیکٹرک وہیکلز ہوں گی، اور کوڑے کرکٹ سے توانائی پیدا کرنے کا نظام بھی قائم کیا جائے گا۔
