پشاور میں ایف سی ہیڈکوارٹر پر خودکش حملہ ناکام بنا دیا گیا، جس میں تینوں دہشت گرد مارے گئے جبکہ ایف سی کے 3 اہلکار شہید ہو گئے۔
صوبائی دارالحکومت پشاور میں ایف سی ہیڈکوارٹر پر ہونے والے خودکش حملے کی ابتدائی تحقیقات سامنے آ گئی ہیں، جن کے مطابق خودکش حملہ آور نے صدر والی جانب سے ہیڈکوارٹر میں داخل ہونے کی کوشش کی۔
ملتان: بہاء الدین زکریا یونیورسٹی کے ہوسٹل سےطالب علم کی لاش برآمد
ابتدائی تحقیقات کے مطابق پہلا خودکش حملہ آور پیدل تھا اور دھماکا صبح 8 بج کر 11 منٹ پر ہوا۔ ایف سی ہیڈکوارٹر میں سکیورٹی ہائی الرٹ اور بیریئرز کی وجہ سے حملہ آور مزید اندر نہیں جا سکا۔
تحقیق میں مزید بتایا گیا ہے کہ حملہ آور کے ساتھیوں کو گیٹ پر ہی مزاحمت کا سامنا کرنا پڑا، جہاں ایف سی کے جوانوں نے بہادری سے مقابلہ کیا۔ خودکش دھماکے کے بعد دوسرے بمبار نے اندر داخل ہونے کی کوشش کی لیکن اسے ناکام بنا دیا گیا۔
ذرائع کے مطابق ابتدائی تحقیقات موجود شواہد کی بنیاد پر جاری کی گئی ہیں، جن کے مطابق خودکش دھماکا اس وقت ہوا جب ہیڈکوارٹر میں پریڈ جاری تھی اور پریڈ کے وقت 450 اہلکار موجود تھے۔
ذرائع نے مزید بتایا کہ تینوں خودکش حملہ آور پیدل آئے تھے اور تمام دہشت گردوں نے خودکش جیکٹس پہن رکھی تھیں۔ دہشت گرد منظم منصوبہ بندی کے ساتھ آئے تھے اور ان کا ہدف پریڈ تھا۔
