فیصل آباد کے حلقہ پی پی 116 کے ضمنی انتخابات کے دوران ایک واقعہ پیش آیا جہاں سابق رکن قومی اسمبلی عابد شیر علی نے ووٹ ڈالتے ہوئے اپنی ویڈیو بنائی اور اسے شیئر کیا۔
پاکستان نے ہانگ کانگ کو شکست دیکر آئی بی ایس ایف اسنوکر ورلڈ کپ ٹیم چیمپئن شپ جیت لی
ویڈیو کے سامنے آنے کے بعد ریٹرننگ افسر پی پی 116 فیصل آباد نے سابق ایم این اے کو ووٹ کی رازداری پامال کرنے پر نوٹس جاری کیا ہے۔
نوٹس میں کہا گیا ہے کہ سابق ایم این اے نے پولنگ اسٹیشن پر اپنا ووٹ ڈالتے ہوئے ویڈیو بنائی، جس میں انہیں بیلٹ پیپر کے اوپر مہر لگاتے ہوئے واضح طور پر دیکھا جا سکتا ہے۔
ریٹرننگ افسر کا کہنا ہے کہ بیلٹ پیپر پر مہر لگاتے ہوئے تصویر یا ویڈیو بنانا ووٹ کی رازداری کو پامال کرنا ہے، جو قانوناً جرم ہے۔
صوبائی الیکشن کمشنر پنجاب کے ترجمان نے بتایا کہ عابد شیر علی کو ریٹرننگ افسر نے وضاحت کے لیے طلب کیا ہے۔
